بوابة الكويت - تحدث الفنان محمد رياض عن الدورة 18 من المهرجان القومي للمسرح والذي من المقرر أن ينطلق خلال الأيام القليلة المقبلة، مشيرا إلى أنها كانت دورة صعبة حيث كانوا يسعون لتحقيق حلم الوصول إلى المحافظات.

محمد رياض: الدورة دي كانت صعبة احنا كان عندنا حلم المهرجان يمتد للمحافظات

وقال محمد رياض على هامش المؤتمر الصحفي لـ الدورة 18 من المهرجان القومي للمسرح في تصريحات رصدها موقع تحيا مصر: الدورة دي كانت اصعب من اللي الدورة اللي فاتت واللي قبلها لأن احنا كان عندنا حلم المهرجان يمتد للمحافظات عندنا 5 مهرجانات السنادي فكان حلم كبير لكن بفضل الله ومجهود الأساتذة الكبار اللي معانا بالتعاون الكبير والمثمر مع هيئة قصور الثقافة بحيي اللواء خالد اللبان الرئيس على التعاون الكبير معانا من اول عرض فكرة الخروج للمحافظات.

وتابع محمد رياض حديثه: أول الدورة دي لما قرار التجديد جالي من وزير الثقافة قولتله انا بفكر السنادي اننا نطلع للمحافظات وكنت مختار 5 مش 4 لكن كان في محافظة صعبة قولت أكتفي ب4 بس بيمثلوا مصر كلها، معالي الوزير عجبته الفكرة والموضوع وقال نبدأ شغل بدون تردد ودعمنا جدا في هذه الدورة تقريب كل شئ كان سهل بسبب دعمه عشان نقدر نوصل للمحافظات.

محمد رياض: أتمنى الدورات الجاية تكون أفضل

وأضاف محمد رياض: دي كانت خطوة مهمة للمهرجان انه يكسر حاجز المركزية عشان نخرج للاطراف لان المحافظات متعطشة لكل الفنون واحنا كمهرجان قدرنا نعمل ده ونوصل ليهم في حد في اسيوط قالي كان حلمنا نوصل للقومي للمسرح كان بالنسبالنا حلم كبير اوي والحمدلله انه اتحقق وأتمنى الجاي يكون أفضل ونبني عليه خطوات أحسن دايما انا بتشرف برئاسة المهرجان وأهميته.

محمد رياض: مكنش فيه كتاب مسرح لكن المهرجان طلع اكتر من 7

واختتم: مسابقة التأليف المسرحي أطلقناها في الدورة 16 احساسي كممثل محمد رياض اننا بقاانا فترة شغالين على نصوص أجنبية او النصوص بتاعت الاساتذة الكبار وفترة الستينات بقالنا فترة مطلعش مؤلفين جدد للمسرح في ال٦٠ و٧٠ عملوا تيار مسرحي جامد طول  عمرنا عنظنا كتاب بنشتغل عليهم ونصوصهم من ةاحنا في الجامعة والهواة والاحترام ليه منقدمش كام مؤلف جداد للمسرح ونعمل تيار جديد، اول سنة اتقدم ١٨٦ نص مسرحي قولنا عايسن ندور على المؤلفين الموجودين في مصر طلع عندنا 3 كتاب السنة اللي بعدها قولنا هناخد لحد 40 سنة السنادي فتحناها وأقل من اسبوع لجنة المسابقات هتسلمتا 3 نصوص يبقى احنا في 3 سنين قدمنا 9 نصوص مسرحية ب 9 كتبا عملناها في المسرح تيار جديد وده ظور مهم لعبناه وعشان كده طلبت من المنظمين اننا نحتفي بالكتاب دول وبالنصوص المسرحية انا بدعو قطاعات الانتاج سواء قصور الثقافة ان النصوص دي تدرج في خطط الانتاج وتتعرض عليهم النصوص دي وتمثل الجامعات والفرق الحرة كما أسبوع هيكون عندنا 9 مسرحيات ب9 كتاب اذا معملناش في المهرجان غير اننا طلعنا 9 كتاب في 3 سنين تبقى حاجه مهمة جدا انهارده أصريت نطبع كتب عشان الناس تقرأها وتهتم بيها وندرجها في خطط الإنتاج لأن دي مش حاجة سهلة.