بوابة الكويت - أبدى المطرب الشعبي المعتزل فارس حميدة استيائه من تصريحات حمو بيكا الأخيرة بعد كشفه السبب الحقيقي خلف حذف أغاني أحمد عامر معه، حيث كان أكد حمو بيكا أن السبب لم يكن حرمانية الأغاني لكنه شعر أنه بعد وفاة أحمد عامر لم تكن أغانيه لها أهمية لتواجدها، وانتقد فارس حميدة حديث حمو بيكا ونرصد رده فيما يأتي.

فارس حميدة يهاجم حمو بيكا بعد حذف أغاني أحمد عامر: كنت بتاخد اللقطة!

نشر مطرب المهرجانات فارس حميدة منشور عبر حسابه الرسمي على موقع التواصل الاجتماعي فيسبوك علق فيه على تصريحات مغني المهرجانات حمو بيكا، وقال: “سمعت فيديو حمو بيكا وهو بيقول : انا مامسحتش المهرجانات اللي عندي انا والمرحوم احمد عامر علشان حرام ..انا مسحتها علشان خلاص دا راجل اتوفى وملهاش لازمة ..وبيقول انا ماعتزلتش ومش هعتزل احنا مش بنعمل حاجة غلط ولا بنعمل حاجة حرام، يعني مامسحتهاش علشان حرام ..يعني كنت بتاخد اللقطة يعني ولا اي؟ ما يا جماعة انا عاوز اقولكم إن اصلا المهرجان ولا الاتنين اللي كانوا عند حمو بيكا حاجات مش جايبة مشاهدات يعني ولا عاملة ترندات يعني ياعم بيكا لو كانت مهرجانات من اللي جايبة ملايين المشاهدات عندك كنت هتمسحها بردو؟!”

وتابع وفقًا لما رصد موقع تحيا مصر: "طب ما تمسح المهرجانات اللي فيها على قدورة ما الراجل تاب وتبرأ منها واظن ملهاش لازمة وجوده في المهرجانات بردو!
ثم إن هو اي اللي مش حرام ؟! دا لو انت هتتكلم مثلاً زي اللي بيتكلموا في خلاف تحريم الموسيقى علشان يرضوا هواهم فا انتم كل اللي بتقولوه حرام تحريضاتكم وإيحائتكم الجنسية وكل حاجة بتعملوها حرام في حرام .. مبتعملوش حاجة غلط؟؟؟
كبريهات ديسكوهات مخدرات رقصات اختلاط حريم على رجالة زنا علاقات محرمة بتاكلوا في بعض لأجل المصلحة وما خفي كان اعظم واللي شاف مجال العوالم ودخل جواه هيعرف اللي بقوله وهيعرف إن ما خفي كان اعظم .. لو دا مش غلط امال اي الغلط ياعم حمو ؟؟"

فارس حميدة يوجه رسالة شديدة اللهجة لـ حمو بيكا

وتابع فارس حميدة حديثه موجهًا رسالة شديدة اللهجة لحمو بيكا قائلًا: “مش المصيبة إنك ترتكب ذنب او تعصي الله ..المصيبة انك تستحل دا وانك ترضي هواك إن دا مش غلط فتكمل في المعصية وانت مطمن ..بل تطلع تضل الناس كمان انت اعمل اللي انت عايزه لكن ما تضلش الناس لان اللي عندك ومتابعينك اكترهم ممكن يصدق كلامك ويصدق إن فعلاً انتم مبتعملوش حاجة غلط.. انا برد علشان استنيت حد يقول الكلام دا وللاسف ماحدش قاله ..  إِن أُريدُ إِلَّا الإِصلاحَ مَا استَطَعتُ وَما تَوفيقي إِلّا بِاللَّهِ عَلَيهِ تَوَكَّلتُ وَإِلَيهِ أُنيبُ."

حمو بيكا يعلن حذف أغاني أحمد عامر بعد وفاته 

جدير بالذكر أن المطرب الشعبي حمو بيكا كان أعلن حذف أغاني الراحل أحمد عامر بعد وفاته تقديرًا لصديقه وهو ما جعله حديث السوشيال ميديا بين مؤيدين ومعارضين ومن اتهموه بالتناقض، وقال حمو بيكا في منشور: “تم حذف جميع أغاني اخويا احمد عامر من علي قناتي  ربنا يرحمك ويغفرلك ويسكنك فسيح جناته، نتمني من كل صحاب شركات الانتاج وكل حد عمل ديو مع احمد يمسح الاغاني بتاعته وربنا يرحمنا برحمته الواسعه ويغفرلنا جميعا".