بوابة الكويت - صرح محمد ثروت في حواره ببرنامج "فضفضت أوي" مع المخرج معتز التوني قائلاً: لما كنت 7 سنين ابتديت اضرب بالفنان سمير غانم الله يرحمه، كنت على طول اتفرج على أفلامه ومسرحياته، ووالدي الله يرحمه حب يهاديني هدية لطيفة في عيد ميلادي، وجابلي تذكرتين لمسرحية أخويا هايص وأنا لايص، وكنت أول مرة أروح مسرح وأشوفه بالشكل الكبير دا على عكس اللي بشوفه في التلفزيون.

تابع: ومكنتش أعرف أن المسرحية لسمير غانم ومن أول ما ظهر قدامي مشيلتش عيني من عليه لحظة، كل اللي في العرض بيتكلموا وأنا مش مركز مع حد غيره، وبعد العرض اتصورت صورة معاه أنا وبابا وكنت في قمة سعادتي، وفضلت الصورة معايا لحد أول مرة اشتغل معاه وكان في مسلسل لهفة.

أضاف: أول مشهد لما كنا في القسم وقالك دا ولد عفريت انت جايبة منين يا توني، ومقولتلوش أي حاجة عن الصورة وقتها وبعد ما خلصنا تصوير وريته الصورة وقولتله الصورة دي اتصورتها معاك من زمان أوي، ضحك وقالي أنا فين بقي.

يمكنك مشاركة الخبر علي صفحات التواصل