كشف السيناريست الدكتور مدحت العدل، عن رأيه في تصريح المطرب اللبناني راغب علامة بشأن أوبريت "الحلم العربي" الشهير، حيث قال إنه كان عملاً تجارياً ليس فيه موقف من القضية الفلسطينية.

وقال العدل في تصريحات صحافية: "العمل تجاري وذو قيمة أدبية وميمنعش إني أعمل عمل تجاري وأكسب منه قيمة تجارية وفي نفس الوقت له موقف يخص القضية... لو غنّاه على أنه تجاري هو حر، لكن أنا كتبته بعروبتي ومؤمن بالقضية الفلسطينية، وفيه فرق بين إنك بتغنّي وخلاص وبين إنك بتغني من ضميرك اللي جواك".

وأضاف: "مش هدخل في النوايا لو غنّاه على إنه تجاري هو حر، ممكن يكون جاي يغنّي عشان كان فيه ناس كتيرة أو لأسباب أخرى هو حر، لكن أنا كتبت من جوايا لأني مؤمن بالقضية الفلسطينية ومن قلبي، لكن فكرة إنك بتغني وخلاص أو بتغنّي من ضميرك الصادق اللي جواك، والأوبريت كان تجاري وله قيمة أدبية".

وكان راغب علامة قد صرّح خلال مؤتمر صحافي خاص به أُقيم ضمن فعاليات "مهرجان موازين"، قائلاً: "أوبريت "الحلم العربي" كان تجاري ومش وراه موقف محدد، ولو حبيت أعمل حاجة زي كده هيكون موضوع عن الإنسانية... مش هعمل حاجة عن مواضيع عربية أو إسلامية، هقدّم موضوع عن الإنسانية بالعرب وما نشهده من جرائم وحروب بنشوفها دي الوقتي".